Býflugurnar og blómin

Óli fór inn í apótek með þóri, 26 ára gömlum syni sínum. Þegar þeir áttu leið framhjá hillu sem var full af smokkapökkum spurði stráksi: "Hvað er þetta, pabbi?" - "Þetta kallast smokkar, sonur sæll. Karlmenn nota þá til að stunda öruggt kynlíf." - "Ég skil," sagði snáðinn. "Ég hef heyrt talað um þá í heilsufræði, á blaðsíðu 69, að ég held." Hann kíkir betur á hilluna og kippir upp pakka sem inniheldur þrjá smokka. "Af hverju eru þrír í pakka, pabbi?" - "Þessir eru fyrir menntaskólastráka," sagði pabbinn og brosti eins og hann væri að rifja upp gamlar og glaðar minningar. "Einn fyrir föstudag, annar fyrir laugardag og sá þriðji fyrir sunnudag." - "Kúl," sagði strákurinn. Hann rak þá augun í smokkapakka með sex smokkum og spurði fyrir hverja svona pakki væri. - "Þetta er fyrir strákana í háskólanum. Tveir eru til að nota á föstudögum, tveir fyrir laugardaginn og tveir fyrir sunnudaginn." - "Vá," sagði guttinn og það glaðnaði heldur yfir honum. - "En hverjir nota þá þessa?" spurði hann og tók upp pakka með 12 smokkum. Pabbinn andvarpaði og leit á son sinn. "Þessir eru fyrir gifta menn. Einn fyrir janúar, einn fyrir febrúar, einn fyrir mars....."

Látið dætur mínar í friði!

Birkir Ívar vandar Þóri Ólafssyni ekki kveðjuna

Birkir Ívar Guðmundsson markmaður íslenska landsliðsins í handknattleik segir að Þórir Ólafsson sé leiðinlegasti handknattleiksmaður í heimi. Þetta vissu nú reyndar VKB-bræður sem og kaffigestir Ólís.Viðtalið við Birki má lesa hér http://www.ibliduogstridu.is/bloggid/birkir_ivar_laetur_gagnrynina_ekki_finna_bilbug_a_ser/

Svíar spá Íslandi 10. sætinu

Sömu fræðingar og í Þýskalandi?

Fannst það rosalega skrítið þegar það kom í fréttunum í vikunni að kyn nýja heimsfræga þýska ísbjarna húnsins væri á huldu. Ég hélt nefnilega að svona dýragarðar væru uppfullir af sprenglærðum líffræðingum sem ætti ekki að verða skotaskuld úr því að vippa afturendanum á kvikyndinu upp og gá eftir dinglumdangli.

En fyrst íslenskir læknar geta ekki allir áttað sig á kyni kúnna sinna, þá er hitt kannski ekki jafn furðulegt og ég hélt það vera.

1863 greindust með klamydíu

Iss það er ekkert

Ég gleymdi einu sinni að skila Die Hard mynd ... skuldaði 4000 kall á vídjóleigunni

Gleymdist í fangelsi í 50 ár

Jibbí

Þótt að VKB hafi hingað til helst barist fyrir réttindum karla, erum við mikið meira en tilbúnir til þess að leggjast á sveif með öryggisráði femmanna og berjast fyrir rétti kvenna til þess að bera á sér brjóstin hvar og hvenær sem þær vilja.

Maður ætti kannski að fara að grafa upp gömlu Speedo skýluna, svona af það skyldi fara af stað einhver berbollufaraldur í laugum landsins í anda nýjustu tískunnar í Sundsvall í Svíþjóð.

Ein pæling svona að lokum. Náðist ekki í neinn þarna í öryggisráðinu hjá femmunum? Afhverju var talað við skúringakonuna í fréttinni?

Íslenskar konur mega bera brjóstin

Greinilega uppspuni frá rótum

Það sér það nú hver heilvita maður að þessi frétt er greinilega bara soðin saman af yfirvöldum íþróttamála í Sundsvall svo að Hannes Þ. Sigurðsson freistist frekar til þess að ganga til liðs við sænska úrvalsdeildarliðið GIF Sundsvall.

En samkvæmt þessari frétt mbl, þá gengur sænska liðið með grasið í skónum á eftir Hannesi þessa dagana.

Hver myndi ekki vilja geta legið í pottinum og fylgst með sænskum blondínum sveiflandi bollunum allt í kringum mann ..?

Ber brjóst leyfð í Sundsvall

Mortal Kombat

Þegar ég var unglingur á gelgjunni var til leikur sem hét Mortal Kombat sá leikur var svo ofbeldisfullur og ógeðslegur að allir sem spiluðu hann undir aldri áttu svo aldeilis að skemmast og fara meiða mann og annan... leikurinn þótti það hættulegur að ástæða þótti að fjalla um hann í hinum ýmsu spjallþáttum og fréttatímum...

Þegar bróðir minn var unglingur á gelgjunni var til leikur sem hét Larry og var svo dónalegur og ógeðslegur að allir sem spiluðu hann áttu eftir að hlaupa út og nauðga einhverjum... brengluð sýn ungling á kynlífi orsakaðist eingöngu vegna þessa leiks... þá þótti ekki svo merkilegt að fjalla um það í fréttatímum eða spjallþáttum.

Þegar Pabbi minn var unglingur á gelgjunni var til leikur sem hét Pong sá leikur átti eftir að skemma æskuna enda var fólk að hanga inni og spila einhverja leiki í tölvu... það þótti ekki við hæfi...

Það er alltaf til fólk sem heldur því fram að það þurfi að verja almenning frá einhverri tilbúnni ógn.

Helmingur selur bannaða leiki

Bíddu hvað segiru ertu ekki að fara?

Hvernig væri að fjölmiðlar myndu frekar fjalla um ef Eiður væri á förum!! það er held ég mun einfaldara....

 Það væri mjög einhæfar og leiðinlegar fréttir ef fólk væri alltaf að tilkynna óbreytt ástand.

Fréttir eins og:

"Ríkisstjórnin ekki að springa"

"Hekla er ekki farin að gjósa"

 "Elliði Vignis svindlar í golfi"

 

 

Eiður: Ég er ekki á förum

Fyrirtaks þjónustulund

Ansar hann afi: "nú líkar mér," - ansar hann afi við yngri Jón þá: - "Taktu ofan bollana og skenktu þar á, - taktu ofan bollana og gáðu að því, - sparaðu ekki sykrið að hneppa þar í. - sparaðu ekki sykrið því það hef ég til, - allt vil ég gera Guðrún í vil, - allt vil ég gera fyrir það fljóð; - langar þig í sýrópið, dóttir mín góð? - langar þig í sýrópið?" afi kvað. - "Æi ja ja dáindi þykir mér það. - Æi ja ja, dáindi þykir mér te." - "Má bjóða þér mjólkina?" - "Meir en svo sé" - "Má bjóða þér mjólkina? Bíð þú þá við. - Sæktu fram rjóma í trogshornið, - sæktu fram rjóma, Vilborg, fyrst, - vertu ekki lengi, því stúlka er þyrst, - vertu ekki lengi, því nú liggur á."

 Erindi úr Gilsbakkaþulu eftir séra Kolbein Þorsteinsson sem lýsir fyrirtaks þjónustulund við gestkomandi.

Fólk beðið um að hemja jólastressið

Þetta er nú meira strumpið

"Annar þeirra missti algjörlega stjórn á sér og sagði henni afdráttarlaust að hann væri fullorðinn maður og að framkoma hennar væri lítillækkandi“

 Sagði fullorðinn maður íklæddur strumpabúning...  

París móðgaði tvo strumpa

Öryggisráð VKB kærir Seðlabanka Íslands

Öryggisráð VKB sem er undir félagsmálaráði VKB hefur fengið vísbeningar um að karlmenn hér á Íslandi séu ekki bara að nota VISA kortin sín heldur einnig séu að greiða fyrir kynlífsþjónustu með beinhörðum peningum. Ætlar því Öryggisráð VKB að kæra Seðlabanka Íslands og óska sérstaklega eftir því að allir peningar í landinu verði gerðir upptækir svo að svona geti ekki gerst aftur.

Femínistafélagið kærir Vísa-klám

35 dagar (Varúð Heroes Spoiler)

Í dag er 35 dagur verkfallsins hjá rithöfundum í Hollywood. Það er held ég farið að hafa áhrif held að það sé ástæða fyrr því að Heroes endar svona snögglega... Carson Daly fór með þáttinn sinn í loftið um daginn þrátt fyrir verkfall og sagði það vera fyrir rithöfundana... hvernig svosem hann fær það út.. Hann sagði að enginn hefði skrifað fyrir hann og þátturinn hefði verið spunninn á staðnum... Það er töff - íslensk sjónvarpsþáttagerð að komast í tísku í usa þá? haha

En annars.. ætli þetta taki enda þetta blessaða verkfall? meina hérna á Íslandi gátu menn ekki komist að samkomulagi með DVD útgáfuna af Fóstbræðrum... Það eru töluverðir peningar í spilinu og það hægir oftast á að menn geti komist að skynsamlegri niðurstöðu.. eða hvað 

Góðar fréttir

Við erum hættir að nöldra í bili... segjum héðan í frá bara góðar fréttir...

 

Góð frétt númer eitt er án efa Arrested development kvikmynd 2009!!! 

 

Góð frétt númer tvö... er meira óstaðfest en annað... en það eru sögusagnir um það að það verði gerð 3.sería af Dexter!! svo það eru svo sannarlega góðar fréttir 

 

Hvað er annars málið með  ... nei alveg rétt, hættir að nöldra

Er Guðfinna við?

Ég kalla mömmu stundum Guðfinnu... eða bara Finnu... mamma hentar samt best en þó gengur það ekki vel þegar margar mæður eru á sama stað...

 

 

Neita að kalla Kidman mömmu

Pössun í allar verslanir

Þetta er afar góð hugmynd hjá Hagkaup og á eflaust eftir að auka veltuna hjá þeim... Sóley þarf náttúrulega að hrauna yfir þetta því þetta er svo gamalddags en ég held að það sé ekki til sá karlmaður hér á landi sem nennir að standa í verslunarleiðangri með konunni þegar hún er komin í fatadeildina! Það er nefnilega orðið þannig að matur og föt eru í sömu verslun... og ég held að flestir karlmenn séu svona nokk sama um að versla mat  - nauðsynjar þú skilur - en fatainnkaup.. eða réttara sagt að skoða hverja einustu flík í búðinni er ekki eitthvað sem hentar öllum karlmönnum.

Er ekki þá bara tillitsemi hjá mönnum að leyfa konunni skoða af vild meðan hann dundar sér eitthvað á meðan... Efast stórlega um það að konum sé meinaður aðgangur að þessu pabbahorni en það virðist vera nægilega mikil skemmtun fyrir þær að skoða vörurnar í búðinni.

Pabbar í pössun í Hagkaupum

Fóru þeir aldrei í Morfís?

Sko eins og stendur í fréttinni:

"Samkvæmt núgildandi lögum er ræðutími ótakmarkaður í annarri og þriðju umræðu um þingmál en í nýja frumvarpinu er gert ráð fyrir að takmarka hann. Þingmenn munu hins vegar fá að taka eins oft til máls og þeir kjósa, fyrst í 15 mínútur en síðan í fimm mínútur í senn. Flutningsmenn og ráðherrar munu þó geta flutt lengri ræður og forseti Alþingis fær heimildir til að lengja ræðutíma í sérstökum málum"

Það er almennt kennt allstaðar að ræður skulu vera hnitmiðaðar og koma sér beint að efninu. Ritgerðir, skýrslur, fyrirlestrar og annað slíkt sem nemendur í Háskólum hérlendis gera er sama á borði.. hnitmiðað og koma sér að efninu!!! Er ekki hægt að biðja menn á þingi að koma sér einnig að efninu og hætta þessum langloku ræðum um ekki neitt? málþóf og annar vitleysingaháttur er þá úr sögunni .. eitthvað sem er engum til bóta

Ef krakkarnir í morfís geta þetta, þá hljóta gamlir fauskar að geta lært þetta líka

VG gagnrýnir frumvarp um þingsköp

Áfram alþingi.

Hvur fjandinn...Er bara ekki neitt að gera á alþingi ?

Kanski er svo lítið að gera hjá þingmönnunum okkar, að þeir hafa fundið upp á þessum líka fína leik að reyna að koma með sem fáránlegustu fyrirspurnina.

Steinunn Valdís kom sterk inn um daginn, en nú virðist sem að Kolbrún Halldórs hafi slegið henni rækilega við í fáránleikanum, og ætla ég að leyfa mér að efast um að þetta verði toppað.

 

 

Ekki meira blátt og bleikt

Halldórsson í tortímingu

Fregnir herma að trillukallinn Hafþór Halldórsson muni fara með hlutverk Johns Connors í fjórðu myndinni um Tortímandann, en myndin hefur verið nefnd Terminator Salvation: The Future Begins.

Búist er við því að tökur á myndinni hefjist snemma á næsta ári og að hún verði frumsýnd sumarið 2009, en leikstjóri myndarinnar kallar sig HKE og á að baki myndir á borð við Tortímandinn og ég og Trillur eru mitt líf, en báðar myndirnar skörtuðu stórleikaranum og trillukallinum Hafþóri svo að leikstjórinn þekkir nokkuð til leiklistarhæfileika Haffa "the small" eins og hann er yfirleitt kallaður af pressunni

Leikstjórinn lýsti því nýverið yfir í viðtali að hann vonaðist til þess að myndin væri sú fyrsta í nýrri þrennu um Tortímandann. Líklegt er þó talið að ríkisstjórinn í Kaliforníu, Arnold Schwarzenegger, verði fjarri góðu gamni að þessu sinni, en ef við einbeitum okkur vel má jafnvel sjá nokkra strumpa bregða við.

Bale í tortímingu

Always...

Endurkoma útbrunna stjarna er alltaf vinsælt og rétta leiðin er að sjálfsögðu að syngja í auglýsingum eða kostaðir af einhverri vöru... Til dæmis þegar Tina Turner kom sér aftur í sviðsljósið með Pepsi ...

 Er þá ekki málið að Whitney taki kókið?

 

 

Whitney Houston snýr aftur

Eiríksson segir Papparassa vera glæpamenn

Hannes Kristinn Eiríksson segir að „glæpsamlegu“ framferði ljósmyndara Eyjar.net hafi verið um að kenna að Þórir Ólafsson ók yfir á rauðu ljósi, talandi í gemsa og með pulsu í hinni hendinni, fyrir skömmu. Þórir hafi orðið fórnarlamb „hausaveiðara“ sem hlíti engum lögum og reyni að búa til fréttir.

Litlu munaði að Eiríksson lenti sjálfur í árekstri við papparassa - eða æsifréttaljósmyndara - þar sem hann var á ferð á Skodanum sínum við Ofanleiti á föstudaginn. Hann sagði í viðtali: „Á myndunum af Þóri að aka yfir á rauðu má sjá að það eru átta menn með myndavélar á miðri götunni. Það gilda ekki lengur neinar reglur.“

„Nú er svo komið, að óviðkomandi fólk verður fyrir meiðslum. Það sem [papparassarnir] eru að gera er ólöglegt; þeir eru í æðisgengnum kappakstri við hver annan. Þeir eru ekki að reyna að standa mig að verki við eitthvað heimskulegt, þeir eru að reyna að láta mig gera eitthvað heimskulegt,“ sagði Eiríksson í viðtali í sjónvarpsþættinum Eyjasýn.

„Það á enginn að komast upp með að brjóta lög og segja síðan: Ég er bara í vinnunni. Þeir sem fremja þessa glæpi hljóta umbun fyrir það. Þeir verða að einskonar hausaveiðurum fyrir vikið,“ sagði Eiríksson ennfremur og bað papparassana hjá Eyjar.net að fara sér hægar:

Clooney segir papparassa vera glæpamenn