Hafa þau ekki heyrt manninn tala ..?

Það getur varla verið. Allaveg hverfur af honum öll karlmennska þegar hann hefur upp strákslega mjóróma rödd sína.

David Beckham sá karlmannslegasti

Þetta er allt bara fyrirsláttur

Auðvitað er Eyjólfur að fara að hætta með landsliðið. Hann segir þetta bara svo engin félög fari að bjóða í hann meðan endanlega verður gengið frá samningum um að hann taki við stöðu aðstoðarþjálfara hjá KFS. Stefnan hjá KFS er nefnilega hörð næsta sumar, upp úr 3. deildinni, og ekkert múður. Svo getur doktorinn líka einbeitt sér betur að spilamennskunni með jafn sterkan mann sér til aðstoðar og Eyjólf. Enda ætti Eyjólfur vel að ráða við að vera aðstoðarþjálfari í 3. deild, þótt hann hafi baðað sig í saur upp fyrir haus með landsliðinu.

Eyjólfur: Ég er ekki kominn í þrot með þetta lið

Mynd af cast-inu

 

 Þessi mynd náðist af leikurum myndarinnar þegar þeir brugðu á leik í mötuneyti kvikmyndatökuversins. Á henni má sjá þau Zoe Saldana, Simon Pegg, Eric Bana, Chris Pine, Leonard Nimoy, Zachary Quinto og Will Smith.

 

Nýr Scotty í Star Trek

Kyrrstaða eða kabúmm.

Svona meirihluti er bara til þess gerður að springa. Hann á aldrei eftir að lifa lengur en 18 mánuði. Í þessum nýja meirihluta sitja 3 oddamenn, sem geta allir hótað því að hoppa beint uppí til Sjálfstæðismanna, ef þeir eru ósáttir við eitthvað sem nýr meirihluti ætlar að gera. Þótt sumir þessara oddamanna væru trúlega meiri aufúsugestir upp í rúm til Sjallanna en aðrir, svona í ljósi atburða síðustu daga, þá fengju þeir mun meira af embættum og öðrum bitlingum til handa sér og sínum í tveggja flokka meirihlutasamstarfi með D en í fjögurra flokka samstarfi S-B-VG-F (fimm, ef þú telur I með).

Annaðhvort verður algjör kyrrstaða, og enginn þorir að brydda upp á neinum málefnum sem eitthvað gæti steytt á í stjórnarsamstarfinu, af ótta við að sprengja það í loft upp. Eða að einhver nýrra meirihlutaflokka geri tilraun til að keyra í gegn eitthvert af sínum hugsjónamálum og meirihlutinn splundrist við það.

En það er nú líklega bara ágætt að málefni borgarinnar standi í stað fram að næstu kosningum. Það er allavega skárra en að þau fari aftur í þann farveg sem þau voru í í valdatíð R-listans.

Vilhjálmur borgarstjóri og Björn Ingi féllust í faðma

Bræðrafélagið VKB mælir með hvalkjötsáti

Bræðrafélagið VKB mælir með því í skýrslu sinni um leiðir til að draga úr losun gróðurhúsalofttegunda að fólk leggi sé fremur hvalkjöt en nautakjöt til munns. Þetta kemur fram á fréttavefnum eyjar.net.

Helgi Ólafsson, forseti félagsins, segir í viðtali við eyjar.net að þetta gæti dregið úr metangaslosun nautgripa og eyðingu skóga til rýmingar lands undir nautgripabeit. “Að breyta matarvenjum okkar er eitt þeirra smáatriða sem við getum lagt að mörkum” segir hann og bætir því við að rekja megi um fjórðung af öllum útblæstri gróðurhúsalofttegunda til nautgriparæktar. Helga hefur alla tíð þótt hvalkjöt hreint lostæti, og minnist þess með glampa í augum þegar hann fékk súran hval í þorrablótum á árum áður. “Svo var nú hrefnukjötssteikin sem Kjartan Vídó bar á borð í Brandinum í sumar ekkert slor heldur” bætir hann við brosandi.

Bræðrafélagið VKB ætlar svo á næstu dögum að fara af stað með herferð gegn lakkrís- og Opaláti. “Ef maður ætlar á annaðborð að taka þátt í baráttunni gegn metangaslosun, þá verður maður að berjast á öllum vígstöðvum” sagði Helgi að lokum.

 

Greenpeace-samtökin mæla með kengúruáti

Keiko þeirra Reykvíkinga?

Án þess að ég vilji vera eitthvað sérstaklega bölsýnn á þetta uppátæki hennar Jóku, þá grunar mig nú að auglýsingagildi þess sé stórlega ofmetið. Við Eyjamenn ætluðum nú aldeilis að flytja heilu bátsfarmana af túristum til okkar, svo þeir gætu sko skoðað Villa sem væri loxins búið að frelsa. Og jú jú, það voru fluttar fréttir af þessu úti um allan heim þegar hann kom á svæðið. Það fylgdu þessu svo einhver nokkur störf, og það var lengi hægt að röfla um þetta á kaffistofum bæjarins. En aldrei bólaði neitt á öllum þessum túristum, og enn er helst að maður rekist á stöku útlenskan nörd sem man eftir Surtsey, þegar maður nefnir Vestmannaeyjar, en enginn man eftir ræflinum honum Keiko (sem by the way er kvenmanns nafn).

Friðarsúlan lýsir upp Viðeyjarsund

Að berja höfðinu í steininn

Þetta minnir nú bara á það þegar menn fóru út í hryðjuverkastarfsemi á sínum tíma til þess að berjast gegn iðnbyltingunni í landbúnaði í Bretlandi. Menn frömdu skemmdarverk á dráttarvélum og öðrum nýtískulegum landbúnaðartækjum.
Það er alltaf einhver hluti fólk sem reynir að berjast gegn öllum breytingum. Þessi deilimenning á netinu er bara það sem koma skal. Þeir eiga aldrei eftir að ráða við þetta. Nær væri fyrir þá að reyna að finna leiðir til að aðlagast breyttum aðstæðum frekar en að berja höfðinu stöðugt í steininn, og reyna að halda í "gamla góða kerfið".

Svo er það líka rosalega þægilegt að hafa svona link eins og er neðst í fréttinni til að redda því ef sólahringurinn hjá manni hafi einhverra hlutavegna bara verið 23 stundir.

„Þeir hagnast á glæpastarfsemi"

Ég hata þessa frasadýrkun

Sem er sérstaklega áberandi hjá íþróttafréttamönnum. Það þarf alltaf að orða allt nákvæmlega eins, hvort sem það á við eða ekki. Eins og að fólk fatti ekki hvað sé átt við ef ekki er sagt nákvæmlega eins frá og alltaf. Núna snýst fréttin aðallega um það að Dida hafi gert sér upp meiðsli eftir að ruglaður Celtic aðdáandi hljóp inn á völlinn og strauk honum um vangann. Samt segir í fréttinni að "Kalla þurfti á lækni inn á völlinn þar sem gert var að sárum Dida". Ef þetta var allt uppgerð hjá honum, eins og blaðamaður gefur sér í fréttinni, að hvað sárum var þá verið að gera ..?

 

Svo hata ég líka Strumpa ... 

Dida þarf að svara fyrir sig hjá UEFA

Aumingja Doktorinn.

En honum var nær að semja prumpulagið.

Dr. Gunni fékk ekki boðskort

Gleymum ekki Teiknileikni...

Og öðrum álíka gáfulegum íslenskum sjónvarpsþáttum hér í árdaga skjás eins! Held að þeir þættir og þá sérstaklega umræddur þáttur, Teiknileikni sé vel til fundinn sem einn leiðinlegsti sjónvarpsþáttur heims!! 

En menn verða að læra af reynslunni og það er í raun skjá einum að þakka að íslenskir þættir hafa þróast hratt á undanförnum árum...

 

tja og þó... Allt í drasli... uss 

Leiðinlegasti sjónvarpsþáttur í heimi?

Villandi fyrirsögn

Ég hélt það hefði einhver hefði soltið í einhverju afskekktu sveitaþorpinu vegna þess hann hefði ekki komist að ná sér í mat í vegna ófærðar í óveðrinu um helgina.

Svalt í veðri fram yfir helgi

Bíddu, bíddu, bíddu. Ég skil þetta nú ekki alveg!

Í greininni segir: "Notkun jarðefnaeldsneytis er skattlögð í þeim tilgangi að draga úr losun gróðurhúsalofttegunda". Hvernig draga skattar úr mengun? Er hægt að setja skatta til að fá betra veður líka? Eða til að lækna kvef kannski? Ég skil ekki alveg þennan undramátt skatta allt í einu ...

 

ATH! Þið vitleysingarnir sem trúið því að fólk hætti að gera eitthvað vegna þess að það kosti meiri pening,  hvernig hefur gengið að draga úr reykingum eða drykkju með endalausum aukningum á álögum á áfengi og tóbak? ÞETTA VIRKAR EKKI.
Ef það á að fá fólk til þess að nota frekar svokölluð vistvæn ökutæki, þá þarf að vera að minnsta kosti jafn einfalt og þægilegt að nota þau og venjulegan bensínbíl, helst bæði einfaldara og þægilegra.

Unnið að endurskoðun á skattlagningu á ökutæki og eldsneyti

Blogg um komment við blogg um frétt af bloggi um blogg um frétt

Það er oft gert grín að því hvað fjölmiðlaheimurinn á Íslandi virðist sjálfhverfur. Enda oft hálf hjákátlegt hvað blaðamenn hér á landi virðast uppteknir af því sem er að gerast í þeirra stétt á hinum og þessum miðlinum, og eru endalaust að flytja okkur hinum fréttir af því hvaða blaðamaður var rekinn hér eða ráðinn þar, hvaða fréttamaður hætti á þessari stöð og byrjaði á hinni. Haldandi það að sauðsvartur almúginn hafi nokkurn minnsta áhuga á atvinnumálum blaðamanna.

En bloggheimurinn virðist engu skárri. Allavega miðað við þessa frétt, og svo sem margar aðrar álíka. Þá virðist alltaf reglulega rísa upp öldur á bloggheimum í kringum einhver mál þar sem menn fara að vísa þvers og kruss á milli blogga í hinum torræðna bloggheimi. Fólk, sem sumt hvert virðist eyða meiri tíma í "cyber" heimi bloggsins en þeim veraldlega, virðist seint þreytast á að blogga um hvað aðrir eru að blogga um. Eins og stóra Pálumálið meðal Eyjubloggara um daginn, svo ekki sé nú minnst á heilagan Lúkas, sem reis upp frá dauðum eftir að hafa verið pyntaður til dauðs í bloggheimum.

Mikil umræða á blogginu eftir ummæli Francisco um drykkjuþol Íslendinga

Hingað til einungis til í teiknimyndaformi segiru ..?

Man ekki betur en að sjónvarpsþættirnir hafi verið rosalega vinsælir í USA "in the 70's", sjá hér. Held að aðalleikkonan úr þáttunum, hún Lynda Carter, teljist meira að segja kyntákn enn þá í ákveðnum ríkjum USA.

Margar vilja vera Wonder Woman

Allt á misskilningi byggt

Eða ... það hlýtur eiginlega að vera. Ef að Móri ræfillinn var hvorki rekinn, né að hann hafi hætt sjálfur, þá hlýtur hann ennþá að vera í vinnu þarna. Nema þetta sé eitthvað eins og með Magga Pele á sínum tíma. Bogi greyið var víst búinn að gera ítrekaðar tilraunir til þess að reka Magga úr FES-inu, en hann hætti aldrei. Bogi var meira að segja búinn að reyna að fá aðra undirmenn sína til þess að reka hann. En allt kom fyrir ekki, alltaf mæti Maggi aftur. Hann bara var ekki á því að hætta. Allt þar til hann var látinn moka snjó í holurnar sem mynduðust í innkeyrsluna sunnan FES-ins einn veturinn eftir duglega snjókomu. Þá loxins náði Maggi ræfillinn Pele skilaboðunum.

Og fyrst að maður er farinn að segja uppsagnar tengdar sögur af gömlum Eyjamönnum ... Var það ekki Rútur Snorra sem gerði einhvern fjárann af sér í vinnunni einn föstudaginn? Þá rauk yfirmaðurinn öskuillur að honum og tilkynnti honum það með miklum reiðitón að hann skyldi sko ekkert vera að hafa áhyggjur af því að mæta í vinnu til sín aftur á mánudaginn. Rútur var alveg himinlifandi með að fá þriggja daga helgi, og mætti úthvíldur, brosandi út að eyrum á þriðjudeginum.

Chelsea: Mourinho var ekki rekinn

Eru þeir virkilega að átta sig á þessu fyrst núna

Það koma alltaf nokkrar skútur á hverju sumri í höfnina heima í Eyjum hvaðan æva úr heiminum og stoppa mislengi við. Mér hefur sýnst þetta fólk bara hafa getað rölt sér upp úr sínum skútum og vappað um bæinn, án þess að spyrja hvorki kóng né prest. Hef einmitt spáð í það hvort þannig þenkjandi einstaklingum reyndist ekki auðvelt að smygla einhverju með sér.

Það var greinilega, og sem betur fer, ekki svo auðvelt í þetta skiptið. En maður kemst samt ekki hjá því að hugsa með sér þegar maður les þetta: Fyrst að þeim tókst að stöðva þessa sendingu, hvað hafa þá margar aðrar náð í gegn áður?

Opin leið milli Evrópu og Íslands

Smæð landsins

Myndi það gerast í einhverju öðru ríki að það væri embættisverk hjá forsetanum að fylla á bíl? Sæjuð þið annað hvort Angelu Merkel eða Gordon Brown fyrir ykkur skælbrosandi á bensínstöð (lesist orkustöð) að dæla á bíl frammi fyrir skara af flissandi blaðamönnum?

Ísland, best í heimi !! 

Heyra „bensínstöðvar“ brátt sögunni til?

Voru það nokkuð þessir ..?

Hér er mynd sem náðist af Bjarnabófunum þegar lögreglan þurfti að hafa afskipti af þeim á fimmtudeginum á Þjóðhátíð fyrir rétt rúmum tveimur árum. Ekkert hefur spurst til þeirra félaga síðan, eða þar til nú þegar tveir þeirra voru gómaðir af lögreglunni eftir að hafa beitt fyrir sig leikfangabyssum við bankarán í Danaveldi. En eins og glögglega má sjá á þessari mynd hefur þeim félögum löngum þótt sopinn góður, og ef eitthvað er að marka meðfylgjandi frétt, þá hefur ekkert breyst í þeim efnum.

Tveir Bjarnar í steininum

Sjálfsbremsandi bíll eitthvað nýtt?

Það er nú svolítið síðan að ég sá Top Gear þáttinn þar sem verið var að kynna nýjustu týpuna af Mercedes S-class týpuna en sú týpa er einmitt þekkt fyrir að koma með allra nýjustu tækni í bílana sína... eitthvað sem enginn telur að sé raunhæft en verður svo staðalbúnaður eftir nokkur ár...3 punkta sætisbelti, loftpúðar og guð má vita hvað... allt kemur þetta frá S-class fyrst.. Svo það er hálf aumkunarvert að eigna Volvo þetta tækniundur...  hendi hérna með klippunni með Clarckson og S-class 

Svo er nú frekar fyndið að lesa um sjálfsbremsandi bíl á sama tíma þegar verið er að þróa áfengismæli sem kemur í veg fyrir að hægt sé að starta bílnum sé maður of drukkinn... meina þú getur ekki keyrt á neitt hvort sem er... hehe 

 

Volvo-bílar hafa vit fyrir ökumönnum sínum

Bara jákvætt

Það er bara jákvætt að einhver sé tilbúinn til þess að tala í aðra átt en þessi fjölmiðlasirkús  sem hefur farið af stað í kringum þennan ímyndaða miðbæjarvanda. Að einhver jafn háttsettur og Geir Jón skuli neita að taka þátt í þessari hysteríu og segja að það að breyta Íslandi í lögregluríki sé ekki rétta leiðin til þess að losna við stríðsástandið úr miðbænum, sem miðaldra karlar og kerlingar í Grafarvoginum hafa talið sér trú um að sé þar við lýði, vegna þess að þau hafi heyrt af tveimur líkamsárásum á innan við mánuði.

Ég er ekki trúaður maður, en tel það samt vera mun skárri kost að það labbi einhver heittrúaður aðili upp að mér,  þegar ég að að ráfa ölvaður um miðborgina, og reyni að sannfæri mig um ágæti þess að fela líf mitt í hendur Ésú. Heldur en að ég verði snúinn niður af þrautþjálfuðum sérsveitarmanni fyrir að fleygja bjórdós á götuna sem er öruggt að verði horfina þaðan, og ofaní pokann hjá einhverjum sem nælir sér í nokkra þúsundkalla um helgar með að tína dósir, þegar dauðskelft úthverfafólkið mætir á laugarveginn morguninn eftir.

Geir Jón telur trúboð leysa miðborgarvanda